EMMANUEL DAYDÉ

 

Dia miaina sy miasa ao Parisy

Mpiandraikitra ny lafiny fampirantiana 

 

Manam-pahaizana amin’ny tantaran’ny zava-kanto, mpitsikera tantara an-tsangana sy mpanoratra ary mpinadraikitra ny lafiny fampirantiana, Emmanuel Daydé dia mpikarakara ny « Nuit Blanche » hatramin’ny niforonany ny taona 2002. Mpanoratra tamina gazety maro izy toy ny Art Absolument, Connaissance des Arts, Art Press sy Air France Magazine izay nahafahany nifampiresaka tamin’i Heiner Müller, Philippe Boesmans, Miquel Barcelo, Krzysztof Warlikowski sy Romeo Castellucci.

 

Mpikarakara ireo fampirantiana tahaka ny « Ousmane Sow sur le pont des Arts », « Haïti, anges et démons » tao amin’ny Halle Saint-Pierre, « Paris-Casa » tao Couvent des Cordeliers, « L’art dans le monde » tao  amin’ny Culée du pont Alexandre III, « Regards persans : Iran, une révolution photographique » tao amin’ny Espace Electra, « C’est la vie !Vanités de Caravage à Damien Hirst » tao amin’ny musée Maillol ao Parisy ary mpiandraikitry ny trano heva Liban niaraka tamin’i Zad Moultaka nandritry ny Biennale de Venise 2017. Nanoratra boky sy nanoratra mikasika olona maro izy : Fabian Cerredo, Anselme Bois-Vives, Moustapha Dimé, Youri Norstein ary Aurel Cojean, ary nanao ihany koa ny teny fampidirana tamin’ilay fampirantiana « Die Ungeborenen (Les non-nés) » izay nataon’i Anselm Kiefer tao amin’ny trano fampirantiana Thaddaeus Ropac-Paris Pantin.

 

Tao aorian’ny nanaovany mpiandraikitry ny fampirantiana tamin’ny « Iarivo traduit de la nuit » 2018 izay nataon’i Joël Andrianomearisoa tao amin’ny Galerie RX Paris, Emmanuel Daydé dia mpiandraikitra ny lafiny fampirantiana amin’ny trano heva Madagasikara any amin’ny ity Biennale de Venise 2019.

 

Madagasikara, ny antony? Noho i Joël Andrianomearisoa. Nahoana no Joël Andrianomearisoa ? Satria hitako ny nahalehibe ity tanora tsy manam-paharoa ity izay tahaka ny kintana mainty izay tsy niserana mihitsy. Ny fifaneraserana taminy nandritry ny fotoana nanomezany endrika feno fahazavana ny sehatra sy ny fanaovan’ireo akanjo fiantsehatra tsy takatry ny saina miaraka amin’i Jean Loup Pivin, dia afaka nankafy ireo fiovana izay sady kanto no saro-takarina avy amin’ireo tsiarony miaro fitiavana amin’ireo efa-joro mainty, vita amin’ireo nofy sy ireo fihetseham-po mihoa-papana. Mpanakanto iraisam-pirenena, olom-pirenen’izao tontolo rehetra izao, Joël Andrianomearisoa dia mijanona ho malagasy hatrany, amin’ny anarany, ny fanahiny ary ny eritreriny ary tsy misy tahaka azy amin’ny fanehoana ireo andro sy ireo alin’ilay Nosy Lehibe.

 

Emmanuel Daydé

RINA RALAY RANAIVO

 

Teraka ny taona 1984 tao Antananarivo,

dia miaina sy miasa ao Antananarivo sy ao Berlin.

Mpiandraikitra ny lafiny fampirantiana 

 

Rina Ralay Ranaivo dia nanangona ireo traikefany tao amin’ny “Centre Culturel Français de Madagascar”. Roa amby folo taona no naharetany tao (2006-2018) ka tomponan’andraikitra amin’ny famolavolana ny fandaharam-potoana ara-java-kanto ho an’ity toerana izay fanta-daza eo amin’ny sehatra ara-java-kanto malagasy ity.

 

Izany asa marolafy izany dia nahafahany namorona, nanatanteraka ary nitantana tetikasa ao amin’ny lafiny kanto ho an’ny maso sy ny kanto an-tsehatra. Nahafahany niara-niasa tamina mpanakanto Malagasy maro ihany koa ity asa ity (Joël Andrianomearisoa, Ariry Andriamoratsiresy, Madame Zo, Pierrot Men, Christiane Ramanantsoa, Rijasolo…), faritry Afrika (Kettly Noël, Omar Viktor Diop, Ballaké Sissoko…), faritry ny Ranomasimbe Indiana (Indien (Pascal Montrouge, Hans Nayna, Davy Sicard…), Eoropa (Claude Brumachon, Moise Touré, Bernardo Montet, Pascal Maitre, The Shopping…)

 

Rina Ralay Ranaivo ihany koa dia mpamorona kanto ho an’ny maso ary efa nampiranty ireo asany tamin’ireo ivon-toerana momba ny kanto sy ireo hetsika ara-java-kanto tany Afrika sy Eoropa. 

 

Efa niandraikitra fampirantiana ho an’ny maso maro izay notontosaina manontolo tao amin’ny fireneny izy ka anisan’ny lehibe indrindra tamin’izany « Ici la limite du royaume est la mer » (2018) : fampirantiana iombonana sy mampiseho ireo dingana ara-java-kanto niainany nandritry ny roapolo taona farany momban’ny tantaran’ireo fanehoana ny “kanto ankehitriny” ao Madagasikara.

 

Talohan’izany, Rina Ralay Ranaivo dia mpanao gazety nisahana ny lafiny ara-kolotsaina tamin’ny gazety mpivoaka isan’andro “La Gazette de la Grande Ile” (2003-2005), rehefa nahavita ny fianarany mikasika ny “Sciences de l’Information et de la Communication” tao amin’ny Oniversitean’ Antananarivo.

 

Ity tolo-kevitry ny Ministeran’ny Kolontsaina sy Joël Andrianomearisoa hiandraikitra ny lafiny fampirantiana ny trano heva Madagasikara amin’ny andiany faha 58 amin’ny “Biennale di Venezia » dia andraikitra lehibe noho ny antony maro.

 

Voninahitra lehibe izay mifanojo amin’ny kihon-dalana eo amin’ny sehatry ny asako. Fifanekena ihany koa izay nakantoaviko noho ny finamanana, amin’i Joël Andrianomearisoa sy ny Revue Noire, izay nananako fifandraisana tamin’ny sehatry ny asa efa ho dimy amby folo taona.

 

Ny fanasana hiara-hanoratra pejy iray momban’ny tantaran’ireo zava-kanto malagasy dia mbola hetsika vao maika mampifanakaiky anay kokoa. Ity fiandraiketana ny lafiny fampirantiana amin’ny trano heva Madagasikara ity dia fanazarana tena hafa tokoa: fifanakalozana manokana miaraka amin’ilay mpanakanto amin’ny fomba fanaovana poezia, ny tranga, ny fihetseham-po ka hanomezana azy ireny endrika.

 

Farany, hambo-po ho ahy ihany koa ny fahafahana mandray anjara amin’ity tetikasa ity sy ny fitondrana izany asa izany eo amin’ny sehatra iraisam-pirenena tena manan-danja manera-tany; asa tena malagasy raha ny famoronana azy sy ny hasina no jerena.

 

Rina Ralay Ranaivo